Чулуун хана цуурах, мод бөгтөр болох
Чухамдаа эвдрэл дунд аж төрнөм.
Өөрийнхөө эмтэрч байгааг ч эс анзааран
Цэцэглэж байгаа гэж санасаар явтал
Цаг хугацаа улам залуужсаныг мэдэв.
Унах навчис, газартай эвсэж, нэгэн үе болох
Улмаар эвлэрэл дунд аж төрнөм.
Өөрийнхөө ургаж байгааг ч эс анзааран
Хагдарч байгаа гэж санасаар явтал
Хамаг бүхэн эгшинд өтөлснийг
Хамгаас түрүүнд мэдэв, би
2011-07-14 Мандалговь
No comments:
Post a Comment