Өндөр довжоо, диваажинд ч гангадахаар-ШАТ
Өргөн үүд, алтан бариул, гялгар цонх
Өчигдөрийн зүүд шиг бүдэг бадаг санагдах
Өтгөн саарал манан дундахь-БАЙШИН
Гэрэл гэгээг, талхны булангаар солих
Гэм нүгэл өрөөн дундур сэлгүүцэж
Эрин зууны сүүлчийн яруу найрагчийн
Эмгэн зураг өвгөн нүдээр ширтнэм.
Зүгээр л яг амьдрал шигээ, хайр шигээ
Зүүд шигээ бүгдийг мартахыг хүсээд
Манан доторх Байшингийнхаа цонхоор
Малгайгаа авч хязгааргүйд чулуудаад
Аврал залбирал хүсэх -Сэтгэлээр
Арьяабалын цамхаг босголоо.
2011-07 Дундговь
No comments:
Post a Comment