Дуугардаггүй ч бишгүүр эсвэл бүрээ байх
Дундаршгүй хүсэл надад байлаа.
Эм зантай улаан хотынхоо чихэн дээр
Эгшиглэж байхыг хүсэж байв.
Царгидаггүй ч цан эсвэл хэнгэрэг байх
Цаглашгүй хүсэл надад байлаа.
Дуу дуулиант улаан хотынхоо тархин дээр
Дуугарч л байхыг хүсэж байв.
Ам хэлийг минь татаж чангааж байвч
Авиа гаргахгүйг хүсэх болов
Анир гүм чухлаас чухлыг
Анзааралгүй явсаар
БҮГД ЦАН, ХЭНГЭРЭГ
БҮРЭЭ, БИШГҮҮР болсны дараа
БИ ОЙЛГОВ.
2011-06-15
No comments:
Post a Comment