Чамайг ӨВӨЛ, НАМАР гэж гунигтай нэрлээд
Чиний зүгт бүгдийг харамгүй илгээжээ.
Чимээгүй, өнгө гэрэлгүй, зах хязгааргүй
Чиг зүггүй, чийглэг газарт – ЦАГ ХУГАЦАА
Хийн зуухаа асаагаад СИЛЬВИА шиг
Амиа хорложээ.
Чамайг дахиад л ӨВӨЛ, НАМАР гэж нэрлээд
Чиний зүг бүгдийг илгээхийг хүсэвч
Хүйтэн цонхны шилэн дээр
Хурууны хээ бүдэгхэн үлдээд
Хүчилтөрөгч дутагдсан мэт амьсгал давчдаж
Хийн зуухаа асаагаад –БИ
Амиа хорложээ.
No comments:
Post a Comment